كاشير الصالة والسفري والدلفري
طاولات بصالات، فواتير سريعة، خصومات، شركات توصيل، وتحويل بين الطاولات. أسعار مختلفة للصالة والسفري والدلفري بنفس المادة.
نظام مطاعم عراقي
مطعمك كله بشاشة وحدة — ويشتغل حتى لو انقطع الإنترنت
كاشير سريع للصالة والسفري والدلفري، شاشة مطبخ بلا أوراق ضائعة، متابعة سواق، منيو أونلاين يطلب منه الزبون، ومخزون يكولك كلفة كل صحن. تجربة مجانية قبل ما تدفع.
- يشتغل بلا إنترنت
- تاب أو كمبيوتر
- طابعات حرارية
- عربي كامل
شنو بيه
كل شي يحتاجه المطعم — بلا برامج متفرقة
شاشة مطبخ
الطلب يوصل الطباخ لحظة ما ينحفظ، ببطاقة لكل دفعة. وصل مطبخ بالعربي، وإضافات المادة تطلع تحتها بوضوح.
متابعة الدلفري
الطلبات المعلّقة، تنسيب السواق، وتطبيق للسائق ينبّهه بصوت. استلام حساب السائق بضغطة.
منيو أونلاين للزبون
رابط وQR يفتحه الزبون من تلفونه ويطلب توصيل أو استلام. يوصلك بلوحة الكاشير: تقبله بوقت تقريبي فيطبع للمطبخ، أو ترفضه بسبب يشوفه. خمسة تصاميم جاهزة تختار منها.
الإضافات
«جبن +٥٠٠»، «قطعة لحم +٢٠٠٠» — تعرّفها مرة وتربطها بأي مادة، وتنصرف من المخزن لمن تنباع.
المخزون والكلفة
فواتير شراء، وصفات، تصنيع، ومخازن. يكولك كلفة كل صحن وهامش ربحه، ويصرف المواد من المخزن مع كل بيعة مدفوعة.
تقارير تفهمها
مبيعات اليوم والوردية، أكثر المواد مبيعاً، أرباح، مصاريف تشغيلية، وتقرير Z.
صلاحيات لكل موظف
كل شاشة وكل زر ينفتح بصلاحية تنطيها أنت: الكاشير ما يشوف الأرباح، والمطبخ ما يفتح الإعدادات.
البدالة والمكالمات
ربط بدالة الهاتف: رقم المتصل يطلع على شاشة الكاشير ويّا طلباته السابقة، وتكدر تتصل من التطبيق.
الفرق الحقيقي
ينقطع الإنترنت… والمطعم يكمّل شغل
أغلب الأنظمة السحابية توقف لمن ينقطع النت. عدنا التاب نفسه يخزن كل شي عنده: تبيع وتطبع وتشتغل عادي، ولمن يرجع النت يرفع كل شي للسحابة لحاله.
- البيع والطباعة يشتغلون مقطوعين
- كل تاب يخزن بياناته ويزامن لمن يرجع
- أكثر من تاب بنفس المطعم يتفاهمون على الشبكة المحلية
من الطلب للشغل
ثلاث خطوات وتبدي تبيع
- اطلب حسابك تملي النموذج بالأسفل، ونتصل بيك ونفتح لك حساباً بيوزرنيم وباسورد.
- نجهّز منيوك ندخل موادك وأسعارك وصالاتك، ونربط التابات والطابعات — بحضورك وبلا وقت ضائع.
- جرّبه بمطعمك فترة تجريبية كاملة الميزات. عجبك؟ نكمل. ما عجبك؟ بياناتك تبقى لك.
الباقات
الأكثر طلباً
تدفع على الي تستعمله
كل باقة تنفتح بحسابك من عدنا — تكدر تزيد ميزة أو عدد تابات بأي وقت.
أساسي
مطعم صغير أو كافيه
- كاشير صالة وسفري ودلفري
- شاشة مطبخ وطباعة
- تقرير مبيعات اليوم والوردية
- تاب واحد
متقدم
مطعم شغّال بدلفري
- كل شي بالأساسي
- منيو أونلاين وQR للزبون
- متابعة دلفري وتطبيق سائق
- تقارير كاملة وأرباح
- تابات متعددة
كامل
مطعم يريد يعرف كلفته
- كل شي بالمتقدم
- المخزون والكلفة والتصنيع
- كلفة كل صحن وهامشه
- مخازن ونقل بينها
- ربط بدالة الهاتف
ابدي
اطلب حسابك
املي معلوماتك ونتصل بيك. ما نريد بطاقة ولا دفع — التجربة قبل كل شي.
تفضّل تحچي مباشرة؟ راسلنا بالواتساب.